حل الفنان رضا البحراوي ضيف في برنامج «كلام الناس»مع الفنانة ياسمين عز، على قناة mbc مصر، وتحدث عن أسرار في حياته الشخصية لأول مرة، وعن بداية مشواره الفني.
قال رضا البحراوي:«كان مكتوب على السوشيال ميديا إن أنا عندي 9 أولاد ولكن هما 8، وأنا بحب أهلي وإخواتي ويكون ورايا عزوة وناس، والمهنة بتاعتي مش دايمة واللي هينفعني في الدنيا هما العيال، وربنا يخلي ليا أمي وأبويا هما دول سندي وضهري في الحياة».
وأضاف: أنا من غير أمي وأبويا ولا حاجة، والناس بتقول رضا البحراوي ثم رضا الأب والأم.
كما تحدث عن رأيه في السهرات قال:« أنامن الشغل للبيت محبش السهرات الفنية،بخاف حد يحطلي حاجة في الكوباية أو العربية تضييع مشواري، الحقد في قلوب كتير».
بينما تحدث عن سبب رفضه مشاركة أحد معه في الحفلات:«مابحبش حد يغني معايا ويطلع على نجاحي،أنا تعبت في المشوار بتاعي اوي،في ناس حاولت تقطع رزقي».
وكشف عن بداية مشواره الفني:«عملت شريط وأنا عندي ١١ سنة،وغنيت فيه لأم كلثوم أغنية سيرة الحب، أختي هي اللي كانت تكتب ليا كلمات الأغاني، أول فرح غنيت فيه كان في الإسماعيلية وحقه دفعته في أجرة العربية.
المصدر : وكالات