ميكانيكي قاعد تحت رجلها، فيفي عبده تسخر من جمال كيم كاردشيان (فيديو)

استضافت الإعلامية ياسمين عز، مساء اليوم الجمعة، الفنانة فيفي عبده في برنامج “كلام الناس” والذي يعرض على شاشة mbc مصر.

وسخرت فيفي عبده خلال حلقتها في برنامج “كلام الناس” من كيم كارداشيان بسبب مظهرها والحفاظ على رشاقتها قائلة: “فيه ميكانيكي تحت رجليها عشان كده محافظة على مظهرها، وهي كاريزما، وكلهم بيقلدوها، وجورجينا كمان لذيذة”.

وأضافت: “أحب الطبيعية لا كيم كارداشيان ولا جورحينا، مؤكدة أنها تستعد في الوقت الحالي لتجهيز برنامج جديد يخص ”الحموات”.

فيفي عبده في حبر سري

وفي وقت سابق، كشفت الفنانة فيفي عبده، تصريح خطير عن حياتها الشخصية، قائلة: «روحت فتحت التربة بتاعتي، كله بيفلسع ولازم أفكر في تحضير التربة ليا، والناس ماتت أيام كورونا كتير، وأول خروجة خرجتها رجعت وأنا درجة حرارتي 39، والسنتين اللي قعدتهم بعدها مجليش حاجة، ومرة تانية طلعت جالي سخونية وحرارتي كانت 39 ونص».
وعندما وجهت اسما إبراهيم سؤال لـ فيفي عبده، وهو هل من الممكن أن تعيش مع الأموات، لترد عليها: «الإنسان مهما يلف الموت لابد منه، واللي ورقته تقع من الشجرة ويجي عليه الدور، خلاص ».

وتابعت :«بتابع التربة بتاعتي وكل فترة بشوفها، واتأكد منها وأشوف أنا هنام فين وإزاي، وأنا كفني كل سنة بشتريه من السعودية وأخليه معاي، وبعد كده تتصدق بيه، ومكتبش وصية وسيباها على الله».

وأردفت: «أنا مع أي حد يموت يصرف كل مليم معاه وميسيبشي ولا أي تعريفة، يصرف لآخر مليم في جيبه، خليها على الله، القرش احنا اللي بنجيبه، المهم صحتنا».

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.