أعلنت الفنانة بسمة بوسيل عبر موقع الفيديوهات و الصور إنستجرام عن طرحها أول أغنية “ البدايات ” لها من إنتاج زوجها السابق الفنان تامر حسنى حيث نشرت مقطع الفيديو و علقت عليه “ اسمعوا أغنيتي الجديدة البدايات، دلوقتي على يوتيوب وجميع منصات الاستماع، إن شاء الله تعجكم، ومستنية رأيكم ”
مضيفة “ على فكرة الأغنية دي بتاعت تيمو، ولما قلتله إني عايزة أعمل أغاني ليا على طول شجعني وقالي طب أول أغنية ليكي أنا هعملهالك، وطلبت منه دي عشان كنت بحبها أوي، فمترددش لحظه إنه يديهالي، ودي أول أغنية رسمية في مشواري الفني ”
رد تامر حسنى
وجاء رد الفنان تامر حسنى عليها ” الدنيا كلها متغلاش عليكي يا بسوم ألف مليون مبروك وغنيتيها غُنا عظيم بجد أيو أنا المدرب والمنتج، بس إحساسك هو الموضوع كله … كل سنة وإنتي طيبة ويا رب من اليوم ده كل أيامك في نجاح وفرح وانتصارات شكرًا لصناع الأغنية المؤلف الكبير أيمن بهجت قمر والملحن الكبير محمد يحيى والموزع الكبير فهد ومهندس الصوت الكبير مصطفى رءوف، مبروك يا بسوم”.
المصدر : وكالات