اعتذر إيهاب صالح، مدير أعمال الفنانة شيرين عبد الوهاب، وكارمن سليمان سابقا، عن إدارة أعمالهما، صباح الجمعة، مشيرا إلى أن ذلك القرار جاء بعد تفكير طويل يبحث من خلاله عن شغفه.
إيهاب صالح يعتذر عن إدارة أعمال شيرين عبد الوهاب
وكتب إيهاب صالحتغريدة عبر حسابه الشخصي على موقع التغريدات إكس، «التغريدة دي بقى عني أنا شخصيًا و عن اللي كنت بمر بي و نفسيتي و شوية حاجات كده قررت إني أغيرها في حياتي و أولوياتي».
وأضاف: «كنت بفكر أكتبها في صيغة بيان، لكن مش عارف الصيغة اللي تحت دي تعتبر إيه، بعبر عن نفسي و إحساسي يمكن براحتي شوية، ملهاش علاقة بالنجوم اللي اشتغلت معاهم».
سبب اعتذار إيهاب صالح عن إدارة أعمال شيرين عبد الوهاب
وكان إيهاب صالح، أعلن ذلك بمنشور قال فيه: «الفترة اللي فاتت كنت بمر بفترة مش لطيفة خالص على المستوى النفسي و المعنوي و بعاني صحيًا و أرق في نومي و حاجات كتير كده، مش لطيفة خالص و ده عكس طبيعتي تمامًا و دماغي، أخرج من الحفرة السودة دي إزاي، سألت نفسي هي طالبة إيه عشان أكمل، بنفس طاقتي اللي متعود عليها؟”.
وتابع: «بعد تفكير و إعادة ترتيب أولوياتي قررت إني أخد كام قرار مهم و ضروري، أولهم إن شغلانة إدارة أعمال الفنانين دي مش ملعبي، و المفهوم بتاع الـ Management Artist في الوطن العربي غير متناسب مع طموحي و فكري جو حجز حفلات، أفراح و إعلانات و تاخد نسبة من ده و شكرًا على كده و كل من هب و دب يجود و يعمل فيها صانع نجوم عشان النجم اللي معاه، ‘بينحت’ و شغال علي كاتالوج بستايل أغاني 2003 مش إدارة اعمال خالص».
وأوضح: «دي إدارة حجوزات و شغل سكرتارية من الآخر غلطة من الغلطات اللي بعملها كتير في حياتي إني أكون فاكر إني ممكن أقدم جديد، في ملعب متهالك خايف من التغيير و بيقنع نفسه انه لعيب في ملعبه و مجاش زيه».
وأضاف: «إنت مش شايف خالص إن ساحة المزيكا اتغيرت عالميًا؟ كل همك تعمل لسه ستاياليا أو مقسوم؟ الحمد لله أنا حد بعتبر نفسي بعد 20، سنة أن ليا وضع و حجم معين و مش حابب أهز ده قدام نفسي خالص بأي شكل و بكل ثقة أقدر أقول إني فاهم ودن اللي بيسمع ومواكب طول السنين دي نوعًا ما، ربنا كرمني الحمد لله، و فعلًا اشتغلت مع نجوم مفيش جدال أبداً على قيمة فنهم و بحبهم و وبحترمهم».
وأردف: « بتبسط بنجاحهم حتى لو أنا مش معاهم، وبحمد ربنا جدًا على نعمة كلمة ‘ال’ في وقت كلنا بنجري ورا كل جنيه عشان أكل العيش و عيالنا و صعب جداً تقول قدام شوية فلوس حلوة كلمة ال دي كانت تجربة لطيفة بالنسبالي وكسبت فيها ناس و خبرة لا تقدر، بثمن لكن مش حابب أكررها و لو في يوم هعملها تاني يبقى أعملها بمفهومها الصح اللي يتناسب مع قناعتي، دماغي و اللي يستاهل وجريء و يخرج عادي من الzone comfort بتاعه».
واستكمل: «القرار التاني إني أكمل مشواري في عشقي التاني، الراديو بيتي، نجوم إف إم، أكمل مسيرة أهي بقالها 20 سنة من بدايات نجوم، إف إم و دايمًا أقبل التحدي و التغييرات و أكون السباق في التجديد و أقف جنب الجيل اللي طالع و بعد اللي طالع كمان».
وأردف: لسه مش هستسلم، إني أكون دقة قديمة و أفضل أفاجئكم، في شوية نفس حلوين لسة إن شاء لله، القرار الثالث إني أنجح في تحدي أنا مبسوط بي فوق الوصف و حابب قوي ادخل في عشان عشقي بعد الراديو و المزيكا أكيد الكورة زي 90 ٪ من الشعب المصري.
وأشار: «أنا بقالي شهور حاليًا حزء من إدارة نادي بيراميدز و ماسك إدارة التفاعل الاجتماعي و شغال على شوية، حاجات مختلفة تجمع بين شغلي في العالم و الشركات العالمية في مجال التواصل الاجتماعي مع عشقي للكورة هتشوف النور قريب، قوي قوي إن شاء لله حابب عيلتي الجديدة في النادي و فريق عمل خلف الكواليس أكثر من محترف و محترم، بيئة شغل صحية تقدر، تخليك تنتج و تنجح بسهولة و ده طبعًا بعد توفيق ربنا».
واختتم: «شكرًا جدًا من كل قلبي لكل الناس اللي وقفت في ضهري طول السنين دي، دعمتني، وثقت فيا و استحملتني، عيلتي، اداراتي، كل اللي علموني، صحابي و طبعا الجمهور اللي من اول يوم داعم كبير جدا ليا. من بائع أجهزة ترجمة و تخبيط على، الشقق وتنطيط من منطقة لمنطقة سنة ٩٦ لأكبر نعمة و فضل من عند ربنا المكان اللي أنا في دلوقتي. قول لنفسك دايمًا إن كل يوم في حياتك العملية هو أول يوم، أوعى تريح أو تفقد الشغف».
اقرأ أيضاًجمال علام: قرار اختيار ايهاب جلال ما كانش صح.. وهيبقى فيه تصحيح مسار
ايهاب جلال يعلن قائمة بيراميدز لمواجهة غزل المحلة
غدا.. علي الطيب ويسرا اللوزي وحسن الرداد ضيوف «سبوت لايت» مع شيرين سليمان
المصدر: وكالات