تريند ولا حقيقي.. نجوم المهرجانات يرفعون شعار “عصام صاصا مش مجرم”

تريند ولا حقيقي.. نجوم المهرجانات يرفعون شعار “عصام صاصا مش مجرم”

تسبب مؤدي المهرجانات عصام صاصا في الجدل كثيرًا بالأيام الماضية، وذلك بعد دهسه أحد الأفراد أعلى دائري المنيب، وتسبب في وفاة هذا الشخص، وألقت الجهات الأمنية القبض عليه، وأجرى لها تحليل مخدرات، وتم إخلاء سبيله لحين الانتهاء من التحقيقات، وأكدت زوجة عصام صاصا أن زوجها بمر بأزمة نفسية كبيرة بسبب هذا الأمر.

وحرص عدد من نجوم المهرجانات على مساندة عصام صاصا، ودعمه في الأزمة التي يمر بها، ورفعوا شعار عصام صاصا مش مجرم، وأشار البعض أن هناك محاولة من نجوم المهرجانات على مواكبة التريند، ونرصد لكم في السطور التالية أبرز تعليقاتهم على حادث عصام صاصا.

حمو بيكا يدافع عن عصام صاصا

أكد مؤدي المهرجانات حمو بيكا أن زميله عصام صاصا لست بمجرم، أو مؤذي، لافتًا أنه لا يحاول المشاركة في التريند، وأنه على علاقة به منذ سنوات.

ونشر حمو بيكا عبر صفحته الرسمية بموقع تبادل الصور والفيديوهات “إنستجرام” صورة لعصام صاصا، وعلق عليها عليها قائلًا: “عصام صاصا عمره في حياته ما كان مؤذي أو شخص مش كويس وأنا مش بكتب الكلام ده عشان أظيط في الظيطة.. أنا ك حمو بيكا أعرف الراجل ده من سنين السنين كمان”.

عنبة يدعم عصام صاصا

دافع مطرب المهرجانات عنبة عن المطرب عصام صاصا ، بعد واقعة الدهس من خلال حسابه الشخصى عبر موقع “إنستجرام”.

كتب عنبة معلقا :” أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها”.

أضاف عنبة :”  أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمرنفسيًا بس اللي عايزه أقوله هو مش بيخبط أي حد ومش بيدوس على الناس بفلوسه.

زوجة حسن شاكوش: عصام حالته صعبة

علقت ريم طارق، طليقة مؤدي المهرجانات حسن شاكوش، على واقعة حادث عصام صاصا، قائلة إن المطرب أصبح مريضا نفسيا عقب الحادث.

وقالت ريم طارق، عبر خاصية الإستوري عبر تطبيق إنستجرام: ربنا يرحم اللي مات ويرحم اللي عاش، مهما اتكلمت مش هقدر أصبر أهل الضحية، ولكن حالة عصام صعبة ارحموا.

وتابعت طليقة حسن شاكوش، أن مطرب المهرجانات عصام صاصا لم يعد لطبيعته عقب الحادث، حيث علقت: أصبح مريضا نفسيا بسبب الحادث.

حودة بندق يدعم عصام صاصا 

ومن جانبه حرص مؤدي المهرجانات حودة بندق على دعم صديقه عصام صاصا، ونشر عبر صفحته الرسمية بموقع التواصل الاجتماعي “فيسبوك” قائلًا: “أنا كنت عامل حادثة كبيرة على الدائري وربنا نجاني منها الحمدلله.. واللي خبطنا بالعربية من وره كان راكب عربية نقل وطار وموقفش شافنا حتى موتنا والا حصلنا أيه”.

وتابع حودة بندق: “اللي عايز أقوله في موضوع عصام صاصا إن عصام وقف ومجريش بعد ما خبط المتوفي الله يرحمه ويصبر أهله ف عصام غلبان وطيب.. بلاش بقى السوشيال ميديا والناس اللي عايزة تعمل تريندات حاجات بايخة عيب بقى”.

»

المصدر : وكالات