مسلم يتحدى عمرو دياب: خليه يقف قدامي.. وحسين الجسمي أقوى

مسلم يتحدى عمرو دياب: خليه يقف قدامي.. وحسين الجسمي أقوى

كشف المطرب مسلم عن رأيه في وجود منافسة بينه وبين بعض الأصوات الموجودة على الساحة بقوة، مثل حودة بندق وعصام صاصا.

مسلم يتحدى عمرو دياب

وقال مسلم خلال لقائه مع الإعلامية أميرة بدر في برنامج “أسرار” المذاع عبر قناة النهار: “عصام صاصا وحودة بندق كل واحد ناجح في مجاله، لكن شايف نفسي في منطقة ثانية لوحدي، ومش شايف منافس فيها”.

وردا على سؤال هل يفكر في منافسة النجم عمرو دياب مثلا، قال مسلم: “في أعلى من عمرو دياب فنيا، بالنسبة لي حسين الجسمي رقم واحد في حياتي وأقوى صوت في العالم، عمرو دياب طبعا أسطورة، لكن حسين الجسمي في حتة ثانية”.

وأضاف: “سر نجاح عمرو دياب إنه مش قوي صوتيا، لكن تسمعيه تحبيه، وممكن لو ربنا كرمني وعملت حفله معاه خارج مصر نشوف رأي الناس صوتيا”.

وأشار مسلم إلى المطرب الأقرب له بقوله: “أنا نفس حتة سعد لمجرد، بحبه جدا وأحس إنه نفس سكتي”.

وعلق مطرب المهرجانات مسلم على مقارنته بنجوم الغناء ومطربي المهرجانات  قائلاً: “اغنية يا اصفر كانت من وحي خيالي وكان فيه مشكله ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبموت فيه، وهو حودة بندق، وهو دلوقتى اخويا، كانت مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض حصلتلنا عين بعدتنا عن بعض، فا استفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كتير زي اغنية خطر جايبة 140 مليون وعاملين البوم مكسر مصر”.

المصدر : وكالات