طارق فؤاد: «كنت سبب شهرة شيرين عبد الوهاب وقفلت السكة في وشي»

طارق فؤاد: «كنت سبب شهرة شيرين عبد الوهاب وقفلت السكة في وشي»

بكى المطرب طارق فؤاد، على الهواء بسبب حديثه عن فترة مرضه التي امتدت من عام 2016 حتى عام 2020، قائلا: في ناس كتير وقفت معايا ولن أنسى لهم الموقف، وهم تامر حسني وترك آل الشيخ اللي سفرني أتعالج برة.

وأضاف فؤاد في حواره مع الإعلامية بسمة وهبة مقدمة برنامج «العرافة»، على قناتي المحور والنهار: “تامر حسني من أطيب القلوب وإنسان جميل ووقف معايا ماديا ومعنويا، طما دعمني في فترة مرضي محمد الحلو وأحمد بدير.. الحلو كان كل شهر بيديلي ظرف، لكن زعلت من مدحت صالح لأننا عشرة عمر، والحلو هو المطرب الوحيد اللي سأل عني”.

وتابع المطرب: الفنان أحمد زاهر وقف معايا، كنت متوقع من مدحت صالح وعلي الحجار يقفوا جنبي، لكن محدش سأل عليا في التليفون خالص، ولكن دلوقتي بحبهم، وكل جمعة ببعت لهم رسالة جمعة مباركة ومش بيردوا عليّ أبدا ومستمر أبعت.

قال المطرب طارق فؤاد، إنّه لحن أغنية “كان نفسنا” التي شهد فيديو الكليب الخاص بها الظهور الأول للفنانة شيرين عبد الوهاب عندما كانت طفلة، متابعا: “قفلت السكة في وشي، حاجات حصلت زمان بس صالحتني”.

وأضاف فؤاد في حواره مع الإعلامية بسمة وهبة مقدمة برنامج «العرافة»، على قناتي المحور والنهار: “أنا كنت عامل مساعد في الكليب، والأغنية من كلمات عماد صبحي وتوزيع عادل عايش، والأغنية دي أخدت أحسن أغنية عربية”.

وتابع المطرب: عملت امتحان في البيت عندنا وجات لي شيرين ومعاها 10 أطفال واخترتها واخترت الطفل الثاني أحمد فتحي ولما دخلت الاستوديو سجلت أغنية كان نفسنا انبهر الموسيقيون بشيرين رغم أن عمرها كان 12 سنة وكان من بينهم يحيي الموجي.

وحول سبب تجاهله من شيرين، قال: كانت نجمة كبيرة وفي عيد ميلادي حضر معايا صديقي الدكتور ماجد بهجت أكبر طبيب أنف وأذن وحنجرة، وقالي أنا رايح لشيرين أسلم عليها، قلت له كلمني من هناك عشان أفتح الاسبيكر وأتباهى قدام اخواتي لأنها كانت مكسرة الدنيا فقعدت أكلمه وأقوله ماجد هطفي الشمع، لكن مرة واحدة لقيتها بتزعق وتقفل التليفون في وشي، كان موقف بايخ قدام اخواتي ومراتي وولادي وبنتي، اتكسفت شوية بس خلاص.

اقرأ أيضاًطارق فؤاد عن تحول مدحت صالح من مقرئ لمغني: «كده كده كان هيغني»

ياسمين فؤاد وطارق الملا يتفقدان مشروعات الاصحاح البيئي بشركات البترول بخليج السويس

طارق شوقي وياسمين فؤاد يشهدان الجلسة الافتتاحية لأكبر برنامج تدريبي عن مفاهيم قضايا التغيرات المناخية

المصدر: وكالات