إيناس الدغيدي: رفضت أحمد عز و يسرا اللي رشحته يبوسها في فيلم «كلام الليل» | فيديو

إيناس الدغيدي: رفضت أحمد عز و يسرا اللي رشحته يبوسها في فيلم «كلام الليل» | فيديو

كشفت المخرجة إيناس الدغيدي، عن سبب اختيار الفنانة يسرا لـ أحمد عز في فيلم «كلام في الليل»، وذلك خلال لقائها في برنامج «أسرار».

تصريحات إيناس الدغيدي

وقالت إيناس الدغيدي، خلال لقائها: «وأنا بحضر لفيلم كلام الليل كنت بقابل في اليوم 40 واحد عايزين يمثلوا، واخترت أحمد عز من كاست وكان موديل إعلانات وقتها، رفضته في الأول، عشان مكنش مناسب سنا».

وتابعت: «عشان كان أصغر بكتير من يسرا ومش هينفع، الفيلم كان فيه بوسة، ويسرا قالتلي مين الراجل اللي هيبوسني، قلتلها جايبالك واحد كويس، عشان مش عايزة تتباس من أي حد، لما شافته قالتلي هو ده اللي اخترتيه، طب أنتي بصيتي على سنانه، مش هينفع أبوسه عشان سنانه كلها سودة».

كما أوضحت الدغيدي: «المنتج كان مقتنع بـ أحمد عز عشان وسامته، وراح قال ليسرا فيه واحد كويس أوي بس إيناس شايفة أنه صغير، لما شافته قالتلي ده أنا هبوسه لكن اللي إنتي مختاراه مش هينفع».

وأردفت: «قلتلها ده صغير، قالتلي ماليش دعوة، وعمل الدور حلو جدًا، والبوسة طلعت حلوة، وبعدها راح اتعلم وجالي قالي عايز أعمل فيلم، عملت به مذكرات مراهقة، وعز تطور جدًا، ومجتهد ومركز وعنده هدف».

برنامج أسرار

برنامج «أسرار» تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

اقرأ أيضاًلم أكتم شهادة ودعيت على إيناس الدغيدي.. أبرز تصريحات ميار الببلاوي في برنامج «العرافة»

ميار الببلاوي: دعيت على إيناس الدغيدي في الحرم بسبب هذا الفيلم

إيناس الدغيدي: ياسمين صبري جسمها جميل ومحتاجة تتوجه فقط

المصدر: وكالات